Rafræn skilríki

Rafræn skilríki eru lausn frá Auðkenni sem gerir þér kleift að auðkenna þig á einfaldan hátt í gegnum netið eða í síma. Til eru tvær útgáfur af rafrænum skilríkjum: Skilríki á SIM korti sem notast við SMS þjónustur og Auðkennisappið sem notar internetið.

Hvernig fæ ég rafræn skilríki?

Þú getur sett upp Auðkennisappið heima í stofu ef þú ert með íslenskt vegabréf sem er í gildi og snjalltæki sem styður NFC. Leiðbeiningar um uppsetningu Auðkennisappsins má finna á vef Auðkennis.

Annars getur þú sótt um rafræn skilríki á SIM kortið þitt í öllum verslunum Símans eða öðrum skráningarstöðvum Auðkennis. Mundu að hafa löggild persónuskilríki með í för!

Rafræn skilríki fyrir ólögráða

Ólögráða einstaklingar undir 18 ára geta aldrei fengið rafræn skilríki gegn undirritun forsjáraðila. Forsjáraðili þarf þá að mæta með ólögráða einstaklingnum og báðir aðilar þurfa að framvísa leyfðum persónuskilríkjum.

Að flytja rafræn skilríki milli tækja

Þú getur flutt skilríkin þín á milli tækja, en aðferðin er mismunandi eftir hvort þú sért með skilríki á SIM korti eða Auðkennisappið.

Skilríki á SIM korti

Skilríkin eru tengd við SIM kortið og flytjast sjálfkrafa á milli tækja þegar þú færir kortið í annan síma! 

Ef þú þarft af afrita skilríkin eða flytja þau yfir á nýtt SIM kort frá sama fjarskiptafélagi getur þú farið inn á þjónustuvef Auðkennis og fylgt leiðbeiningunum þar til að afrita skilríkin á nýtt SIM kort. Athugaðu að bæði SIM kortin þurfa að vera virk og tengd við símanúmer til að afrita skilríkin.

Auðkennisappið

Sæktu einfaldlega Auðkennisappið í nýja tækinu og skráðu þig inn!

Þú getur skráð þig inn með gildu vegabréfi, með því að auðkenna þig í gegnum Auðkennisappið í gamla tækinu eða með rafrænum skilríkum á SIM korti.

Að flytja rafræn skilríki milli fjarskiptafélaga

Ef þú ert með rafræn skilríki á SIM korti og ert að flytja símanúmerið þitt til Símans frá öðru fjarskiptafélagið getur þú virkjað skilríkin þín heima í stofu! Láttu okkur bara vita þegar þú biður um flutninginn og við komum ferlinu af stað. 

Hvernig virkar ferlið?

• Farðu inná þjónustuvef Auðkennis þegar þú færð SMS um flutning á rafrænum skilríkjum.
• Smelltu á SIM kortaskipti.
• Smelltu á Skrifa undir samning.
• Veldu Skilríki á farsíma og smelltu á Halda áfram.
• Sláðu inn símanúmerið þitt og smelltu á Undirrita.
• Smelltu á Hefja skipti.
• Settu nýja SIM kortið í símann þinn.
• Smelltu á Senda í síma.
• Sláðu inn virkjunarkóða og veldu PIN fyrir rafrænu skilríkin þín.

Hvernig breyti ég PIN á rafrænum skilríkjum?

iPhone

• Farðu í Settings.
• Veldu Mobile Service / Mobile Data.
• Veldu SIM Application.
• Veldu Auðkenni.
• Veldu Skilríkjaþjónusta.
• Veldu Breyta PIN númeri.
• Sláðu inn núverandi PIN og smelltu á Send.
• Veldu nýtt PIN númer og smelltu á Send.
• Staðfestu nýja PIN númerið og smelltu á Send.

Android

• Farðu í Stillingar / Settings.
• Veldu Forrit / Apps.
• Veldu SIM-tól / SIM-tool eða VIT.
• Veldu Auðkenni.
• Veldu Skilríkjaþjónusta.
• Veldu Breyta PIN númeri.
• Sláðu inn núverandi PIN og smelltu á Send.
• Veldu nýtt PIN númer og smelltu á Send.
• Staðfestu nýja PIN númerið og smelltu á Send.

Gleymt PIN

Ef þú manst ekki PIN númerið á rafrænu skilríkjunum þarf að setja þau upp aftur í verslun Símans eða á skráningarstöðvum Auðkennis.

Vandamál með rafræn skilríki

Ef þú lendir í vandræðum með að skrá þig inn með rafrænum skilríkjum er alltaf gott að prófa aðra síðu t.d. Þjónustuvef Símans eða Ísland.is. Ef það virkar ekki er gott að athuga þessa hluti:

• Er símtækið þitt í síma sambandi?
• Geturðu sent og móttekið venjuleg SMS (ekki iMessage)?

Ef þetta virkar ekki  gæti þurft að setja rafrænu skilríkin upp aftur. Ef þú ert óviss getur þú alltaf haft samband við þjónustuverið okkar.

Algengar spurningar

Hvað kostar að nota rafræn skilríki?

Almennt séð kostar ekkert að nota rafræn skilríki, nema þegar þú ert erlendis. Ef þú ert með skilríki á SIM korti og notar þau í útlöndum er greitt er fyrir tvö send SMS til Íslands samkvæmt verðskrá viðkomandi lands. Auðkennisappið notar smá gagnamagn við auðkenningu og þannig líka valdið kostnaði á ferðalagi erlendis.

Hvað ef ég týni símanum?

Ef þú týnir símanum með rafrænu skilríkjunum þarftu að virkja þau upp á nýtt samkvæmt leiðbeiningunum hér fyrir ofan.

Getur síminn minn notað rafræn skilríki?

Flestir símar í dag styðja rafræn skilríki. Ef þú ert óviss um hvort tækið þitt sé stutt, mælum við með að hafa samband við framleiðanda eða viðurkenndan umboðsaðila.

Þarf ég nýtt SIM kort til að virkja Rafræn skilríki?

Ef SIM kortið þitt er mjög gamalt gæti verið að það styðji ekki rafræn skilríki, en engar áhyggjur! Þú getur sótt nýtt SIM kort á næsta þjónustustað eða haft samband við þjónustuverið okkar til að fá það sent í pósti.

Virka rafræn skilríki með Úræði?

Eins og er styður Auðkenni ekki við rafræn skilríki með Úræði. Það þarf því að græja allt sem þarfnast rafrænna skilríkja með símanum.

Hvað gilda skilríkin lengi?

Rafrænu skilríkin þín gilda í fimm ár frá útgáfudegi, en tveimur vikum áður en þau þín renna út færðu send skilaboð til að minna þig á að endurnýja þau.

Þú getur endurnýjað skilríkin á þjónustuvef Auðkennis eða með því að mæta með gild skilríki á þjónustustað eða í Auðkennis appinu, rétt eins og þegar þú sóttir þau fyrst.