VoLTE eða Voice over Long-Term Evolution er ný tækni sem eykur hljómgæði símtala. Um er að ræða næstu kynslóð talsíma yfir farsímakerfi og mun símtalið fara yfir 4G og 5G kerfi Símans í stað þess að nýta 2G og 3G kerfin áður. VoLTE er nauðsynlegt til að tryggja hnökralausa upplifun í reiki en fjarskiptafélög í ýmsum löndum hafa hafið að slökkva á 2G og 3G kerfum sínum. Áætlað er að 2G og 3G kerfin kveðji með öllu í lok árs 2025. Við erum nú þegar búin að virkja VoLTE hjá flestum viðskiptavinum en ef þú ert í Frelsis áskrift munum við virkja VoLTE hjá þér á næstu misserum.
Ertu á leið til útlanda?
Kannaðu hvort að tækin þín styðji VoLTE þar sem þú gætir upplifað sambandsleysi erlendis ef þau gera það ekki þar sem fjarskiptafélög erlendis hafa hafið lokun á 2G og 3G kerfum sínum.
Styður síminn minn VoLTE?
Nánast allir símar sem eru framleiddir og seldir í dag styðja VoLTE. Allir farsímar sem eru seldir hjá Símanum í dag styðja VoLTE. Ef þú ert ekki viss getur þú leitað upplýsinga á heimasíðu framleiðanda eða fengið aðstoð í þjónustuverinu okkar. Passaðu að uppfæra stýrikerfið í símanum þínum í nýjustu útgáfu sem er í boði!
Dæmi um síma sem styðja VoLTE hjá Símanum
- Apple iPhone 8 og uppúr
- Samsung Galaxy S10 og uppúr
- Samsung A týpur framleiddar 2021 og síðar
Dæmi um síma sem styðja ekki VoLTE hjá Símanum
- OnePlus
- Doro
Til að virkja VoLTE í iPhone
Ertu með nýlegan síma?
VoLTE er þegar virkt í iPhone símum með iOS 16 eða nýrra!
- Farðu í Settings
- Veldu Mobile Data
- Kveiktu á Mobile Data hakinu ef það er ekki virkt
- Veldu Mobile Data Options
- Veldu Voice & Data
- Passaðu að 4G/LTE eða 5G Auto/5G On sé valið
- Er það er VoLTE hak neðst þarf að kveikja á því
Til að virkja VoLTE í Android
- Farðu í Settings
- Veldu Network & Internet eða Connections
- Veldu Cellular Network / Mobile Network / Mobile Data
- Veldu Preferred Network Type eða Network Mode
- Veldu 4G/LTE eða 5G og virkjaðu VoLTE/HD Voice eða Enhanced Calling
Finnur þú ekki rétta stillingu?
Nöfn stillinga í Android tækjum geta verið aðeins mismunandi eftir framleiðendum. Prófaðu að leita að stillingum með svipuðum heitum og þeim sem eru hér í leiðbeiningunum.