Premium myndlykill

Premium myndlykill Símans færir þér bestu mögulegu upplifunina. Myndlykillinn kemur með innbyggðum hágæða hátalara með hljóðhönnun frá Bang & Olufsen og Bluetooth fjarstýringu. Tryggðu þér hámarks gæði og þægindi meðan þú nýtur þess að horfa á Sjónvarp Símans.

Bang & Olufsen
Frá árinu 1925 hafa Bang & Olufsen verið leiðandi í hljómgæðum og nú færa þau þá aldargömlu reynslu beint inn í stofuna hjá þér. Hljóðverkfræðingar þeirra hafa hannað og fínstillt hljóðið í myndlyklinum til að skila tæru og kraftmiklu hljóði sem veitir einstaka hljóðupplifun - nákvæmlega eins og listamennirnir ætluðu.

Í kassanum eru eftirfarandi hlutir 

• Myndlykill með hágæða hátalara frá Bang & Olufsen
• Fjarstýring 
• Straumbreytir 
• HDMI snúra
• Netsnúra

Að tengja myndlykilinn

Myndlykillinn þarf þrennt til að virka: Tengingu við sjónvarpið þitt, við rafmagn og við internetið, en hann getur tengst við netið með netsnúru eða þráðlaust með WiFi.

• Tengdu HDMI snúruna í HDMI tengið á myndlyklinum og sjónvarpinu þínu. Athugaðu merkinguna á HDMI tenginu sem þú notar, því hún segir til um á hvaða rás sjónvarpið þarf að vera stillt til að nota myndlykilinn.
• Ef þú ætlar að tengja myndlykilinn við netið með netsnúru skaltu tengja hana í nettengið á myndlyklinum og tengja hinn endann í LAN tengi á netbeininum þínum. Ef þú ætlar að tengja myndlykilinn þráðlaust með WiFi skaltu sleppa þessu skrefi.
• Tengdu straumbreytinn við myndlykilinn og settu hann í samband við rafmagn.
• Kveiktu á sjónvarpinu og stilltu á HDMI rásina sem samsvarar HDMI tenginu sem þú notaðir.
  • Á flestum sjónvörpum er skipt milli HDMI rása með því að ýta á Source eða Input  og velja viðeigandi HDMI rás með örvatökkum á fjarstýringunni.
• Ef þú tengdir ekki netsnúru við myndlykilinn skaltu nú velja Setja upp WiFi á skjánum.
  • Veldu þráðlausa netið þitt í listanum og sláðu inn lykilorðið.
  • Veldu svo Staðfesta til að tengjast þráðlausa netinu.
  • Ef þráðlausa netið þitt kemur ekki upp í listanum getur þú valið Uppfæra WiFi lista til að leita aftur.
• Loks skráir þú þig inn með rafrænum skilríkjum og getur þá byrjað að horfa á Sjónvarp Símans!

Fjarstýringin

Fjarstýringin getur notað bæði IR (infrarautt ljós) og Bluetooth til að stýra myndlyklinum.

• IR þarf enga uppsetningu, en krefst beinnar sjónlínu milli fjarstýringarinnar og myndlykilsins.
• Bluetooth býður upp á lengri drægni og þarf ekki beina sjónlínu til að virka, en þú þarft að para fjarstýringuna við myndlykilinn til að nota það.

Para fjarstýringu með Bluetooth

Það er einfalt að para fjarstýringuna við myndlykilinn, en þú getur stjórnað myndlyklinum með IR á meðan þú parar hana:

• Ýttu á valmyndar hnappinn ( ☰ )  á fjarstýringunni til að opna valmyndina.
• Veldu Tækjastjórnun.
• Veldu Fjarstýring.
• Veldu Para fjarstýringu.
• Fylgdu leiðbeiningunum á skjánum til að para fjarstýringuna

Takkavísir

Bakhátalarar

Með Premium myndlyklinum getur þú einnig fengið bakhátalara til að hámarka hljóðupplifunina. Hátalararnir eru einfaldlega tengdir við rafmagn og paraðir þráðlaust við myndlykilinn.

Para hátalara

• Ýttu á valmyndar hnappinn ( ☰ ) á fjarstýringunni til að opna valmyndina.
• Veldu Stillingar.
• Veldu Hljóðkerfi.
• Veldu Setja upp bakhátalara undir Þráðlausir bakhátalarar.
• Veldu Byrja og fylgdu leiðbeiningunum á skjánum.
• Eftir uppsetningu eru hátalararnir tilbúnir til notkunar!

Spotify

Þú getur streymt tónlist frá Spotify beint í myndlyklinum. Hlustaðu á uppáhalds tónlistina þína, uppgötvaðu nýja tónlist og fáðu aðgang að milljónum laga – allt með fullkomnum hljómgæðum Bang & Olufsen!

Til að streyma Spotify í gegnum myndlykilinn þarftu að vera með Spotify appið í tæki sem er tengt við sama net og myndlykillinn.

• Opnaðu Spotify appið og byrjaðu að spila tónlist.
• Smelltu á spilara merkið
• Veldu Siminn VSB til að streyma tónlistinni í myndlykilinn.

Nánari leiðbeiningar fyrir Spotify Connect má finna hér

Notkun Spotify forritsins er háð skilmálum þriðju aðila sem má finna hér.

Aðrar stillingar

Stilla hljóðútgang

Þú getur still hvaðan hljóðið úr myndlyklinum kemur með því að stilla hljóðútganginn.

• Ýttu á valmyndar hnappinn ( ☰ ) á fjarstýringunni til að opna valmyndina.
• Veldu Stillingar.
• Veldu Hljóðkerfi.
• Veldu Hljóðútgangur.

Þar getur þú valið eftirfarandi möguleika:

• Sjónvarp (HDMI)
  Hljóðið frá myndlykilinum er spilað í gegnum hátalara á sjónvarpinu eða öðrum hljómbúnaði sem er tengdur við sjónvarpið.
• Myndlykill
  Hljóðið frá myndlykilinum er spilað í gegnum innbyggða Bang & Olufsen hátalarann.
• Myndlykill og bakhátalarar
  Hljóðið frá myndlykilinum er spilað í gegnum innbyggða Bang & Olufsen hátalarann og bakhátalarana ef þeir eru tengdir.