Með Apple Quick Transfer getur þú flutt símanúmerið þitt úr gömlum iPhone yfir í nýjan iPhone sem eSIM, án þess að nota QR-kóða eða hafa samband við þjónustuver. Þú getur einnig breytt hefðbundnu SIM-korti í eSIM á sama iPhone.
Áður en þú byrjar
Gakktu úr skugga um að:
- Þú sért með bæði gamla og nýja iPhone símann hjá þér
- Bæði tækin séu opin með aðgangskóða, Face ID og Touch ID
- Kveikt sé á Bluetooth í báðum tækjum
- Bæði tæki séu tengd við WiFi eða farsímanet
- Tækin séu nálægt hvort öðru á meðan flutningurinn fer fram
- Nýi síminn styðji eSIM
Rafræn skilríki og eSIM
Hefðbundin rafræn skilríki eru vistuð í geymslu á SIM kortinu þínu og virka ekki með eSIM tækninni. Við mælum með að setja upp Auðkennisappið áður en þú færir símanúmerið þitt af plast SIM korti yfir í eSIM.
Veldu það sem á við:
- Ég er með eSIM í gömlum iPhone og vil færa það í nýjan iPhone
- Ég er með SIM-kort í gamla iPhone og vil færa það í nýjan iPhone sem eSIM
- Ég er með SIM-kort sem ég vil færa yfir í eSIM á sama iPhone
- Ég er með Úræði og vil færa tenginguna yfir í nýjan iPhone
Nýr iPhone: úr SIM / eSIM á gamla tækinu yfir í eSIM í nýju tæki
Þessar leiðbeiningar eiga við ef þú vilt færa símanúmer úr gömlum iPhone yfir í nýjan iPhone. Þetta á bæði við um eSIM og hefðbundið SIM-kort sem þú vilt færa yfir.
- Opnaðu Settings í nýja iPhone símanum
- Veldu Mobile Service
- Ýttu á Add eSIM
- Veldu símanúmerið sem þú vilt flytja yfir úr gamla símanum
- Staðfestu með að smella á Transfer
- Farðu í gamla iPhone símann
- Þegar skilaboð um að staðfesta flutning birtast á gamla símanum skaltu smella á Transfer
- Þegar beðið er um staðfestingu skaltu tvísmella á hliðarhnappinn á gamla iPhone símanum
- Farðu aftur í nýja iPhone símann
- Hinkraðu þar til að staðfesting birtist um að flutningi sé lokið
- Prófaðu að hringja, senda SMS eða nota farsímanet úr nýja símanum til að staðfesta að flutningurinn hafi tekist
Gott að vita
Þegar númerið hefur virkjast á nýja iPhone símanum þá verður gamla SIM kortið eða eSIM óvirkt í gamla símanum
Sami iPhone: úr SIM yfir í eSIM
- Opnaðu Settings í nýja iPhone símanum
- Veldu Mobile Service
- Undir símanúmerinu sem þú vilt breyta í eSIM velur þú Convert to eSIM
- Staðfestu með að smella á Convert to eSIM
- Staðfestu með því að tvísmella á hliðarhnappinn
- Hinkraðu þangað til þú færð staðfestingu á að það hafi tekist að færa þig yfir á eSIM
- Þegar eSIM er virkt þá má taka SIM kortið úr símanum
Úræði og nýr iPhone
- Flyttu símanúmerið yfir í nýja iPhone símann
- Aftengdu (Unpair) úrið frá gamla símanum í Watch appinu
- Ef þú ert með Úræði þá velur þú Keep Mobile Plan
- Paraðu Úræði við nýja símann
- Fylgdu leiðbeiningunum í Watch appinu
Spurt og svarað
Þarf ég QR kóða til að flytja eSIM yfir í nýjan iPhone?
Nei, ekki ef þú notar Apple Quick Transfer. Þá fer flutningurinn fram beint í símanum og þú þarft ekki QR kóða.
Veður gamla SIM kortið eða eSIM áfram virkt?
Nei. Þegar númerið hefur vrikjast á nýja iPhone símanum þá verður gamla SIM kortið eða eSIM óvirkt.
Hvað ef ég vill fara til baka í plastkortið eftir að hafa fært mig yfir í eSIM?
Ef þú vilt fara aftur úr eSIM yfir á SIM kort þarftu að hafa samband við þjónustuver Símans. Hafðu SIM-kortið við höndina ef þú átt það enn.
Get ég flutt eSIM aftur í gamla iPhone símann?
Já, þú ferð þá í gegnum sama ferlið og þú fórst í gegnum til að færa á milli tækja nema bara í hina áttina
Hvað geri ég ef flutningurinn stöðvast eða tekst ekki?
Hinkraðu í nokkrar mínútur og prófaðu síðan að endurræsa bæði tæki. Ef þú ert enn í vandræðum skaltu hafa samband við Þjónustuver í síma 550 6000.
Get ég flutt SIM kort úr Android / Samsung yfir í iPhone með þessari leið?
Nei, þessar leiðbeiningar eiga við um flutning á milli tveggja iPhone tækja eða breytingu úr SIM korti í eSIM á iPhone
Hvað ef ég er með fleiri en eitt númer í símanum?
Þú gætir þurft að velja hvaða númer þú vilt nota fyrir símtöl, SMS, farsímanetið, iMessage og FaceTime. Fylgdu leiðbeiningunum á skjánum.